Cinnlínte Nuachta

Tá comhlacht díolta gluaisteán le dúnadh san iarthar agus caillfidh 190 duine a bpostanna.

Dúradh le foireann Tom Hogan, a bhfuil ionaid acu i gcathair na Gaillimhe, in Inis, sa tSionainn agus i gCluain Meala, ar maidin go raibh an comhlacht á chur i lámha leachtaitheora.



Tá breis agus dhá scór post le cruthú i gcomhlacht Boston Scientific sa Ghaillimh. Déanann an comhlacht earraí leighis.

Tá breis agus nócha milliún euro le hineistiú sa chomhlacht agus dúirt urlabhraí thar ceann an chomhlachta go gcuirfí na postanna ar fáil gan mhoill.



Tá an OECD ag tuar go laghdóidh eacnamaíocht na tíre seo a 10% i mbliana agus go mbeidh laghdú 1.5% de laghdú i gceist an bhliain dár gcionn.

Dúirt an OECD go mbeadh géarghá le ciorruithe ar chaiteachas agus méadú ar chánacha chun dul i ngleic leis an ngéarchéim eacnamaíochta.



Tá ceantair éagsúla i nGaoth Dobhair gan seirbhís uisce de bharr na dtuilte a bhuail an t-iar-thuaisceart tráthnóna inné. Níl an tseirbhís Vodafone ag feidhmiú acu an oiread.

Tá iarrtha ar an rialtas cabhair éigeandála a chur ar fáil don gceantar áit ar sceith aibhneacha áitiúla thar a mbruacha de bharr na báistí. B'éigean do na seirbhísí éigeandála agus an Garda Cósta daoine a tharrtháil as a dtithe.